Etikk i litteratur og film

Mykje av litteraturens og filmens appell ligg i etikken dei presenterer. Etikk er ikkje berre ein del av innhaldet, men også av forma og forteljemåten. Ein litterær tekst eller film gir ingen etisk fasit, men stiller etiske spørsmål ved å presentere personar og forteljarar som gjennom handlingar, tankar, kjensler, haldningar og prioriteringar markerer seg moralsk, for eksempel gjennom vala dei gjer.

Boka diskuterer etikken i romanar og noveller av bl.a. Franz Kafka, Nadine Gordimer, Jonathan Littell, Kjartan Fløgstad, Joseph Conrad, Ian McEwan, W.G. Sebald, Hanne Ørstavik og Ingrid Storholmen. I tillegg kjem filmar som ‘Apokalypse Nå! Redux’, ‘Om forlatelse’, ‘Turist’, ‘De andres liv’ og ‘Amour’. Boka drøfter også dokumentarforteljingar som Levis ‘Hvis dette er et menneske’ og Seierstads ‘En av oss’, og dokumentarfilmar som Lanzmanns Shoah og Riefenstahls ‘Viljens triumf’.